Мінск пераагародзяць

Замест металічных агароджаў у Мінску пачнуць прымяняць жывыя загарадзі. Пра гэта паведаміў на пасяджэнні ў Мінгарвыканкаме рабочай групы па пытаннях добраўпарадкавання і ўтрымання сталіцы намеснік старшыні Мінгарвыканкама Аляксандр Дараховіч.
— Замест платоў будзем прымяняць жывыя загарадзі з кустоў, дзявочага вінаграду. Ужо вызначаны пералік вуліц, дзе высадзіце расліны ў якасці агародж цяперашняй вясной, — сказаў, як перадаюць «Мінск-навіны», чыноўнік.

Па яго словах, агулам у горадзе будуць больш узважана падыходзіць да агароджаў, завужэння праезнай часткі, уладкавання штучных няроўнасцяў. Рашэнні будуць прымаць толькі камісійна з улікам меркаванняў усіх бакоў. На вуліцах, па якіх ездзіць грамадскі транспарт, «спячых» паліцэйскіх у прынцыпе быць не павінна.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: