Мінск ужо не будзе ранейшым!

Разважаеце, куды паехаць на навагоднія святы, каб акунуцца ў еўрапейскую казачную атмасферу? Сёлета можна цешыцца сапраўдным навагоднім духам — і не выязджаць з роднага горада! Бо Мінск–2020 будзе сустракаць вас глінтвейнам, какавай, гучным смехам і каруселлю казачных сюрпрызаў! З 21 снежня каля Камароўскага рынку адкрываецца яркі навагодні кірмаш «Мяцеліца»!
У праграме — смачная гарачая любімая ежа, напоі, падарункі, навагодні дэкор, яркія фотазоны, Дзед Мароз і іншыя персанажы. Цёплыя агеньчыкі, стыльная і пяшчотная музыка, фантастычная атмасфера, дзе хочацца кружыцца ад шчасця, загадваць жаданні і весяліцца!


Дзе размесціцца самы атмасферны кірмаш Мінска?

Навагодні кірмаш «Мяцеліца» збярэ ўсіх гасцей у самай прахадной частцы сталіцы — на галоўнай плошчы «Камароўскага рынку» па вуліцы Веры Харужай вакол святочнай елкі.
Кірмаш «Мяцеліца» — гэта алея з 24 зімовых хатак пад небам з агеньчыкаў, а таксама класныя лакацыі для фота і месцы для рэлаксу ды сустрэчаў з сябрамі. Цяпер, калі вы адправіцеся за пакупкамі на любімую Камароўку, можна будзе яшчэ і крута адпачыць, зрабіць атмасферныя здымкі, паесці і прыемна прабавіць час, знайсці падарункі блізкім і паказаць гасцям сталіцы еўрапейскі Мінск!
На кірмашы вы зможаце паўдзельнічаць у гульнях для дзяцей і дарослых, карагодах, дэгустацыях, пакатацца на атракцыёнах, паслухаць музыку і нават паспяваць! А з 31 снежня на 1 студзеня кірмаш «Мяцеліца» будзе працаваць да 6 раніцы! Так што жыхары Савецкага раёна змогуць выдатна правесці навагоднюю ноч наўпрост «у двары»!


Чым можна будзе парадаваць сябе на кірмашы?

• Вулічная гарачая ежа на любы густ.
• Слабаалкагольныя і безалкагольныя напоі (глінтвейн, збіцень, какава, зімовыя гарбаты і інш.).
• Прысмакі.
• Падарункі, сувеніры і дызайнерскія вырабы майстроў.
• Навагодні дэкор і ўпакоўка.
• Мёд, гарачы хлеб і іншыя экапрадукты.
• Елкі, цацкі, аксэсуары і ўпрыгажэнні для дома.

Хочаце пагуляць з дзіцём і сустрэцца з сябрамі? Даслаць навагоднюю пошту? Паўдзельнічаць у самавар-шоу, прадэгуставаць «калядныя» напоі, паспяваць песні, пасмяяцца і пафоткацца ў прамянях навагодніх агнёў? Шукайце месца, дзе запаліць бенгальскія агеньчыкі і загадаць жаданне? Прыходзьце да нас!


Усе падрабязнасці на афіцыйным сайце навагодняга кірмашу «Мяцеліца» newyearminsk.by, а таксама ў Instagram.

Арганізатары мерапрыемства — крэатыўнае агенцтва TWODAY, кампанія SMARTBOX пры падтрымцы адміністрацыі Савецкага раёна Мінска.

Наконт супрацоўніцтва тэлефануйце: +37529 548-95-69, +37529 348-95-69, +37529 366-65-35.
А таксама пішыце на электронную пошту: event@twoday.by.

З надыходзячымі святамі!

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Грамадства: галоўнае

Больш цікавага на «Новым Часе»: