Кацярыну Барысевіч пакінулі пад вартай, суддзя Таццяна Акавітая не задаволіла скаргу адваката журналісткі. Пасяджэнне прайшло ў закрытым рэжыме, перадае Радыё Свабода.
Кацярына Барысевіч знаходзіцца ў следчым ізалятары ў межах крымінальнай справы аб разгалошванні лекарскай таямніцы аб стане забітага актывіста Рамана Бандарэнкі.
Барысевіч была аўтаркай артыкулу, у якім са спасылкай на вынікі экспертызы паведамлялася, што ў крыві Рамана не было алкаголю. Гэтыя звесткі супярэчылі з заявай Лукашэнкі, што Бандарэнка быў нібыта п’яны.
Другі фігурант справы — лекар-анестэзіёлаг Арцём Сарокін. Крымінальная справа па факце забойства Рамана Бандарэнкі дагэтуль не заведзеная.
Супрацоўніцу парталу TUT.BY Кацярыну Барысевіч затрымалі 19 лістапада ў сувязі з крымінальнай справай аб нібыта раскрыцці медычнай таямніцы. Яна была аўтаркай артыкула, дзе прыводзілася сьведчанне лекара аб адсутнасці алкаголю ў крыві збітага да смерці Рамана Бандарэнкі, што супярэчыла заявам Лукашэнкі і іншых уладаў.
Па крымінальнай справе таксама былі зняволеныя журналісткі тэлеканалу «Белсат» Кацярына Андрэева і Дар’я Чульцова, якія вялі жывы рэпартаж з разбурэння мемарыялу Рамана Бандарэнкі і разгону мітынгу яго памяці ў двары дому, дзе ён жыў. Беларускія праваабаронцы прызналі зняволеных журналістаў палітвязнямі.
