Мінздароўя абвясціла трэцюю хвалю каронавіруса

«У нас у краіне пачынаецца чарговы ўздым захворвання інфекцыяй — мы гэта называем пачаткам трэцяй хвалі», — паведаміла журналістам начальнік аддзела гігіены, эпідэміялогіі і прафілактыкі Мінздароўя Іна Карабан.


Раней Мінздароўя паведаміла, што спецыялісты ў рэгіёнах і Мінску канстатуюць рост захворвання на кавід, у тым ліку на пнеўманіі каронавіруснай этыялогіі цяжкага працякання. Частата выяўлення РНК віруса SARS-CoV-2 (ПЛР) у доследных узорах за 14 тыдняў 2021 года склала 11,9%, піша «Наша Ніва» са спасылкай на тэлеграм-канал Мінздароўя.

Ва ўсіх рэгіёнах краіны ўзмоцняць кантроль за выкананнем супрацьэпідэміялагічных мерапрыемстваў.

Ігнараваць рэкамендацыі дактароў па захаванні масачнага рэжыму і фізічнага дыстанцыявання — не варта, падкрэсліваюць у ведамстве.

Па стане на 12 красавіка колькасць прышчэпленых адной дозай вакцыны склала — 129 899 чалавек, двума дозамі — 41 688 чалавек.

Мінздароўя таксама нагадвае, што калі вы адчулі значнае пагаршэнне свайго фізічнага стану, у тым ліку павышэнне тэмпературы, кашаль, галаўны боль, не адчуваеце смаку ці паху, то варта звярнуцца ў паліклініку або выклікаць брыгаду хуткай дапамогі.

Паводле звестак Мінздароўя, колькасць зарэгістраваных выпадкаў каронавіруса за дзень з пачатку красавіка складала:

1 красавіка — 1236;

2 красавіка — 1651;

3 красавіка — 1371;

4 красавіка — 1239;

5 красавіка — 986;

6 красавіка — 968;

7 красавіка — 1278;

8 красавіка — 1272;

9 красавіка — 1622;

10 красавіка — 1471;

11 красавіка — 1175;

12 красавіка — 843.

У сакавіку максімальны паказчык быў 5 сакавіка — 1482, з пачатку года — 13 студзеня (1972).



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: