«Мінгардаведка» папрасіла прыбраць з афішы намаляваныя жаночыя грудзі

Як высветлілася, супрацоўнікі «Мінгардаведкі» пабачылі ў арыгінальным малюнку парушэнне закону «Аб рэкламе».



Увечары 13 лістапада ў бары «ДК» у Менску адбудзецца прэзэнтацыя праекту «Радыё Свабода» «(Не:)вясёлыя карцінкі». Гэта альбом каляровых карыкатураў на актуальныя грамадзкія, палітычныя тэмы.

З гэтай нагоды на менскіх тумбах зьявіліся афішы мерапрыемства, піша інтэрнэт-часопіс CityDog. На постэры павінен быў быць намаляваны мужчына, які працягвае жанчыне сьвежую моркву ў выглядзе лягатыпу Радыё Свабода. Прынамсі, такую карцінку можна было пабачыць у сацсетках.

Аднак пры бліжэйшым разглядзе афішы на тумбе аказалася, што з жаночага цела загадкавым чынам зьніклі голыя грудзі. Як высьветлілася, супрацоўнікі «Мінгардаведкі» пабачылі ў малюнку парушэнне закону «Аб рэкляме», а менавіта — неэтычную выяву аголенага жаночага цела. Даведаўшыся пра канфуз, мастачкаДэЛёз прапанавала некалькі альтэрнатыўных варыянтаў малюнкаў на афішу, каб у «Мінгардаведцы» самі вырашылі, які з варыянтаў найлепшы. На адным з варыянтаў грудзі закрылі таблічкай «svaboda.org», на іншых — надзелі на жанчыну станік або вышыванку. У рэшце рэшт знайшоўся кампраміс — проста замаляваць грудзі.

Каб атрымаць альбом з нецэнзураваным малюнкам на вокладцы, арганізатары запрашаюць:

13-га лістапада, Менск. Бар «ДК», вул. Талбухіна, 4. 3-і паверх. Пачатак а 19.00.

17-га лістапада, Горадня, вул. Будзёнага 48а. Пачатак а 18.30.

19-га лістапада, Магілёў, вул. Чкалава 16, грамадзкі цэнтар «Кола сяброў». Пачатак а 18.30.

Тэгі:

 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: