Моладзь БНФ запрашае на размовы пра правы чалавека

Моладзь БНФ запрашае на дыскусію "Што такое правы чалавека?", якая адбудзецца 29 верасня ў Мінску.
Гэтай імпрэзай Молазь БНФ распачынае цыкл маладзёвых дыскусій на актуальныя тэмы, датычныя правоў чалавека. Дыскусіі будуць адбывацца з удзелам дасведчаных экспертаў і закрануць найбольш злабадзённыя пытанні і самыя вострыя выклікі правам чалавека: смяротнае пакаранне і права на жыццё, таямніца прыватнага жыцця, свабода ад катаванняў, гендарная роўнасць, правы меншасцяў, суадносіны правоў чалавека з традыцыйнымі культурнымі каштоўнасцямі ды палітычнымі ідэалогіямі.

Першая дыскусія будзе прысвечана ўводзінам у канцэпцыю правоў чалавека. Падчас яе будзе разгледжаны шырокі спектр пытанняў:

Што такое правы чалавека? Адкуль і калі яны з'явіліся? Ці ёсць правы больш важныя і менш важныя? Што можа пагражаць правам чалавека? Калі правы чалавека можна абмяжоўваць, а калі не? Хто можа парушаць правы чалавека і хто можа іх абараняць?

У якасці эксперта падчас дыскусіі выступіць юрыст Асамблеі няўрадавых дэмакратычных арганізацый Юрый Чавусаў, які з'яўляецца выпускніком Вышэйшага міжнароднага курса па правах чалавека і ў межах Беларускай правабарончай школы правёў больш за сто семінараў па праваабарончай тэматыцы для моладзі.

Першая сустрэча цыкла правабарончых дыскусіўй Моладзі БНФ адбудзецца 29 верасня ў сядзібе БНФ (Мінск, вул. Чарнышэўскага, 3), пачатак а 15:00.

Паводле прэс-рэлізу

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Anatol Starkou
  • 2018-09-19 17:29:05
Правы бел-чырвона-белага чалавека? Ці якога?
Моладзь БНФ у гэтым гаду ў сераду заблакавала мяне на сваёй фэйсбук старонцы. Цяпер майго меркавання на іх піяр-дзейнасць там няма. Пацешныя гэтыя б-ч-б змагары.
  • Митя
  • 2018-09-21 12:52:02
Естественно, бело-красно-белого. Они же националисты и не скрывают этого.
Рвутся к власти, чтобы как на Украине, запрещать все оппозиционные (им) СМИ и преследовать инакомыслие.
В отличие от других оппозиционеров, лидеры БНФ - достаточно честные люди.
Никогда не скрывали, что они хотят построить здесь националистическое государство.
Только один у них облом в том, что "чистых" белорусов-националистов в Беларуси в 10-20 раз меньше (в относительном количестве), чем националистов на Украине.

Каментаваць