МУС і Мінздароўя абвяргаюць інфармацыю пра загінулага пратэстоўца

Падчас пратэстаў у Мінску ў ноч на 10 жніўня загінуў чалавек, паведамілі праваабаронцы. Але афцыйнага пацвярджэння гэтай інфармацыі няма.
Ілюстрацыйнае фота people.onliner.by

Ілюстрацыйнае фота people.onliner.by

Загінулых няма, — заявіла ТАСС прэс-сакратар МУС Беларусі Вольга Чамаданава.

У Мінздароўя інфармацыю пра загінулага таксама назвалі фэйкам.

Як паведаміла БелаПАН прэс-сакратар ведамства Юлія Барадун, «падчас начных несанкцыяваных акцый» у розных гарадах Беларусі ў хуткую дапамогу звярнуліся 39 прадстаўнікоў органаў аховы правапарадку і больш за 50 грамадзян.

Усім, хто меў патрэбу, аказаная медыцынская дапамога ў поўным аб'ёме. Загінулых няма. Звяртаем увагу, што распаўсюджаная ў некаторых інтэрнэт-выданнях інфармацыя з'яўляецца поўным фэйкам, — дадала Барадун.

У мінскай гарадской бальніцы хуткай дапамогі звесткі аб пацярпелых прадастаўляць адмовіліся, заявіўшы, што гэта«закрытая інфармацыя».

Напярэдадні вдавочцы паеамілі TUT.BY, што аўтазак збіў аднаго з пратэстоўцаў. Праваабаронца Валянцін Стэфановіч заявіў, што малады чалавек атрымаў чэрапна-мазгавую траўму, несумяшчальную з жыццём. Па словах Стэфановіча, медыкам уратаваць яго не ўдалося.

Таксама, паводле праваабаронцаў, у мінскіх бальніцах знаходзяцца дзясяткі пацярпелых падчас акцыі.

Паводле звестак міліцыі, усяго ў краіне было затрымана каля 3 тысяч чалавек,з іх каля тысячы — у Мінску.

Паводле tut.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: