МУС паведамляе пра затрыманых расіян, якія са зброяй ехалі на экскурсію ў Брэст

МУС Беларусі паведамляе пра затрыманых двух расіян, якія са зброяй ехалі на экскурсію з Бранска ў Брэст.


Здарэнне адбылося каля 16-й гадзіны 24 сакавіка. На аўтадарозе каля вёскі Жукава Магілёўскага раёна супрацоўнікі Дэпартамента аховы спынілі аўтамабіль «Лада Гранта», у якім ехалі 25-гадовыя жыхары Бранска, рабочыя аднаго з заводаў. Падчас агляду машыны былі знойдзены два пнеўматычныя пісталеты, два сігнальна-шумавыя пісталеты, дзве радыёстанцыі, электрычны ліхтарык з электрашокерам, газавы балон для газавай зброі, 12 патронаў да сігнальна-шумавой зброі, патроны для пнеўматычнага пісталета, металічная палка з шыпамі.



Таксама ў затрыманых была спецыяльная камізэлька ДПС, куртка са знакамі "МНС РФ", тры балаклавы, два камплекты абарончай экіпіроўкі матацыкліста і... сцяг Украіны. Разбіральніцтва па справе расіян праводзіць Магілёўскі РАУС, інфармуе БЕЛТА са спасылкай на МУС.

Паводле «Еўрарадыё»

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: