МУС рэкамендуе супрацоўнікам абмежаваць перамяшчэнні па краіне

Міністэрства ўнутраных спраў Беларусі рэкамендавала сваім супрацоўнікам абмежаваць перасоўванне па Беларусі з-за сітуацыі з Covid-19, паведаміла агенцтву «Інтэрфакс-Захад» афіцыйны прадстаўнік МУС Вольга Чамаданава.
«Нашаму ведамству рэкамендавана выключыць усе камандзіроўкі па абласцях, за межы свайго рэгіёну супрацоўнікі могуць выязджаць толькі ў выпадку экстранай неабходнасці. Гэта зроблена ў рамках выканання прафілактычных мерапрыемстваў для пазбягання кантактаў і недапушчэння распаўсюджвання вірусных захворванняў», — сказала Чамаданава.

Паводле яе слоў, гэты прынцып у роўнай ступені выконваецца ва ўсіх абласцях.

Раней партал tut.by са спасылкай на адзін з телеграм-каналаў паведаміў, што беларускім міліцыянтам забаранілі ўезд на тэрыторыю Віцебскай вобласці рэспублікі, а таксама выезд з яе, паколькі некалькі супрацоўнікаў МУС знаходзяцца на карантыне.

Па стане на 27 сакавіка ў Беларусі зарэгістравана 94 выпадкі захворвання новым тыпам каронавірусам.

interfax.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: