Мужчын, якія зламалі сталічнаму маршрутчыку сківіцу, затрымалі

Відавочцы дапамаглі знайсці Hyundai і Mercedes з расійскімі нумарамі, людзі з якіх збілі кіроўцу мінскай маршруткі. Аўтамабілі ехалі ў бок Масквы. Пра гэта AUTO.TUT.BY распавёў кіраўнік прадпрыемства-перавозчыка Аляксей.

Кадры з відэарэгістратара, tut.by

Кадры з відэарэгістратара, tut.by

— Пасля таго, як пра напад невядомых паведамілі ў СМІ, мне пачалі пісаць і тэлефанаваць людзі. Сёння каля 11.00 Hyundai і Mercedes заўважылі на трасе М1 у Мінскай вобласці, ехалі яны ў бок Масквы, — распавёў Аляксей. — Я адразу патэлефанаваў у 102 і паведаміў пра гэта. Быў абвешчаны план «Перахоп», гэтых людзей затрымалі і адвезлі ў Барысаўскае РУУС.

Аляксей таксама распавёў, што кіроўцу, на якога быў здзейснены напад, паспяхова зрабілі аперацыю. Адчувае ён сябе нармальна.

Відавочцам затрымання мужчын з Hyundai і Mercedes стаў мінчанін Арцём.

— Гэта адбывалася недалёка ад Смалявічаў. Дзве машыны ДАІ з уключанымі мігалкамі ўзялі Hyundai і яшчэ адну цёмную машыну ў «скрыначку» — стаялі спераду і ззаду іх. Быццам бы, нехта ляжаў на капоце белага аўто, — распавёў хлопец.

Нагадаем, учора на вуліцы Арлоўскай Hyundai і Mercedes з расійскімі нумарамі заблакавалі ў першай паласе маршрутку № 1077. Невядомыя людзі з гэтых аўто выцягнулі кіроўцу маршруткі з салона, адзін з іх ударыў яго па твары, другі ў гэты час трымаў мужчыну, каб той не аказваў супраціву.

Пасля нападу невядомыя ўцяклі, а маршрутчык звярнуўся ў бальніцу, дзе ў яго дыягнаставалі пералом сківіцы.

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Віктар
  • 2018-10-26 21:16:41
Расейякія "браты" для дыктатара і воргагі чалавецтва для ўсіх астатніх беларусаў.

Больш цікавага на «Новым Часе»: