МЗС: Падчас крушэння цягніка «Масква — Брэст» пацярпелі шэсць беларусаў

У выніку сутыкнення цягніка «Масква — Брэст» з прыгараднай электрычкай пацярпелі шасцёра беларускіх грамадзян. Пра гэта БЕЛТА паведамляе са спасылкай на прэс-службу МЗС.
Здымак ria.ru

Здымак ria.ru



Паводле дадзеных ведамства, у маскоўскія лякарні шпіталізавалі дваіх жанчын і аднаго мужчыну. У іх дыягнаставаныя пераломы рэбраў і удары. Яшчэ трое пацярпелых атрымалі меддапамогу на месцы, але адмовіліся ад шпіталізацыі. Яны вяртаюцца ў Беларусь.

Пазней МЗС у сваім Твітэры ўдакладніў, што ў лякарнях Масквы застаюцца двое нашых суграмадзян.

Інцыдэнт адбыўся ўначы на перагоне "Кунцава — Філі" на захадзе Масквы. Цягнік "Масква — Брэст" урэзаўся ў электрычку "Масква — Усава". Па дадзеных Расійскай чыгункі, машыніст прыгараднага цягніка ужыў экстранае тармажэнне з-за пасажыра, які перабягаў шляхі. У выніку была парушаная сістэма тармажэння электрацягніка. Ён пакаціўся назад і сутыкнуўся з пасажырскім цягніком №3 "Масква — Брэст", які ў гэты момант стаяў.

Расійскія інфармагенцтвы паведамляюць пра дзясяткі пацярпелых сярод пасажыраў.

Паводле «Еўрарадыё»

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: