На Брэстчыне тушаць Альманскія балоты, задзейнічана авіяцыя МНС

Альманскія балоты гараць ужо суткі.
Фота: прэс-служба МНС

Фота: прэс-служба МНС

На дапамогу леснікам прыйшлі выратавальнікі — пажар дапамагае тушыць авіяцыя МНС. Пра гэта TUT.BY паведаміў афіцыйны прадстаўнік МНС Віталь Навіцкі.

«Верталёт Мі-8 і самалёт Ан-2 авіяцыі МНС працуюць на тушэнні пажару на Століншчыне», — распавёў ён.

Як паведаміла TUT.BY афіцыйны прадстаўнік Мінлясгаса Анастасія Дакучаева, па дадзеных на 13.00 удакладненая плошча пажару склала каля 70 гектараў.

«Для тушэння пажару задзейнічаны 105 чалавек і 3 гусенічных балатаходы. Сітуацыя складаная, але на некаторых участках пажар ужо лакалізаваны. Балота сухое, няма вады, дажджу ўначы таксама не было», — распавялі ў Мінлясгасе.

Анастасія Дакучаева таксама дадала, што ліквідацыяй пажару кіруе першы наммінстра лясной гаспадаркі Аляксандр Кулік, які ў дадзены момант знаходзіцца на Палессі.

Пажар 24 жніўня выявіў дырэктар Палескага лясгаса падчас патрулявання тэрыторыі паблізу вёскі Альманы Столінскага раёна.

Тушэнне пажару ўскладняецца адсутнасцю лесагаспадарчых дарог.

Па папярэдніх дадзеных, прычынай узгарання стала парушэнне правілаў пажарнай бяспекі. Дадзеная мясцовасць карыстаецца папулярнасцю сярод ягаднікаў, хутчэй за ўсё, крыніцай пажару магла стаць незатушаныя цыгарэта.

TUT.BY

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: