На станцыі «Кастрычніцкая» выставілі ганаровую варту з ліку работнікаў метро

У дзесятую гадавіну тэракту на станцыі метро «Кастрычніцкая» ля знака «Рака жыцця» выставілі ганаровую варту з ліку работнікаў метро, ​​паведамляе прэс-служба Мінскага метрапалітэна.
Як і ў папярэднія гады, якія прайшлі пасля тэракту ў падземцы, сёння кіраўніцтва і іншыя супрацоўнікі прадпрыемства ўсклалі кветкі да падножжа памятнага знака і ўшанавалі памяць бязвінных людзей.

У выніку тэракту, які быў здзейснены 11 красавіка 2011 года ў 17.50 на станцыі «Кастрычніцкая» Мінскага метрапалітэна, загінулі 15 чалавек, больш за 400 — пацярпелі, з іх цяжкія цялесныя пашкоджанні атрымалі больш за 30 чалавек.

Памятны знак «Рака памяці» быў адкрыты ў 2012 годзе. На ім намаляваны 15 хваль, якія сімвалізуюць паток, які выхапіў з жыцця выпадковых ахвяр. Штогод 11 красавіка ў месца трагедыі людзі прыносяць кветкі.

Святлана Ціханоўская ў 10-ю гадавіну выбуху ў метро заявіла, што 11 красавіка 2011 года былі падарваныя «наша бяспека», «давер суду» і «тая самая стабільнасць».

Паводле яе слоў, «прайшло 10 гадоў — і рэжым зрабіў усё, каб беларусы зноў баяліся хадзіць па вуліцах сваіх гарадоў, не мелі ўпэўненасці ў тым, што будзе заўтра, і былі пазбаўленыя абароны законам». «Пры гэтым самі беларусы дапамагаюць адзін аднаму, як і тады — 10 гадоў таму», — сказала палітык.

tut.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: