На шэсце супраць акумулятарнага заводу ў Брэсце выйшла каля 250 чалавек

Праціўнікі будаўніцтва акумулятарнага заводу пад Брэстам 24 сакавіка сабраліся на плошчы Леніна, пазней прайшлі шэсцем па цэнтральных вуліцах — Пушкінскай і Савецкай, піша Радыё Свабода са спасылкай на БелаПАН.
Людзі на вуліцах Брэста

Людзі на вуліцах Брэста

Адначасова з акцыяй пратэстоўцаў на плошчы Леніна праходзіла акцыя гарадзкога аддзелу па надзвычайных сытуацыях «Правядзі час з карысцю». А 12:40 на плошчы знаходзілася каля 250 праціўнікаў заводу.

Берасцейка Юлія Зубрык звярнула ўвагу, што ўжо другі тыдзень запар гарадскія ўлады праводзяць мерапрыемствы на плошчы Леніна адначасова з акцыяй пратэстоўцаў. Яна лічыць гэта спосабам «схаваць» мірны пратэст.

На плошчы Леніна пратэстоўцы абмеркавалі пачатак 26 сакавіка судовага разгляду скаргі на адмову ў рэгістрацыі ініцыятыўнай групы па правядзенню мясцовага рэфэрэндуму аб забароне будаўніцтва акумулятарнага заводу.

Пазней пратэстоўцы прайшлі па цэнтральных вуліцах Брэста — Пушкінскай і Савецкай — да кінатэатру «Беларусь». Тут яны пастаялі пэўны час і разышліся.

svaboda.org

Хочаце ведаць больш? Сачыце за нашымі публікацыямі ў Telegram і Facebook!