На вуліцах Маямі пратэставалі супраць дыктатуры ў Беларусі

Беларуска-Амерыканскае Задзіночанне (БАЗА) Паўднёвай Фларыды ў нядзелю, 29-га верасня, зладзіла мітынг супраць дыктатуры ў Беларусі: «Наш пратэст супраць 25-гадовай хлусні ў Беларусі! Наш пратэст супраць самавольства ў Беларусі!».

Сябры Беларуска-Амерыканскага Задзіночання выйшлі на вуліцы Маямі з плакатамі, лозунгамі і карыкатурамі мастака Дзмітрыя Багацішчава.

Старшыня БАЗА Андрэй Пушкароў у сваім выступе заклікаў усіх землякоў да адзінства, да кансалідацыі і згуртаванасці.

“Мы нарадзіліся ў Беларусі і мы любім сваю Радзіму, наш народ, і нам не абыякава што адбываецца на роднай зямлі... Як актыўная, маладая частка грамадства, мы, беларусы Амерыкі, уважліва сочым за ўсім тым, што адбываецца ў нас на радзіме, ў Беларусі”.


“Сёння, як і раней, беларускія сродкі інфармацыі — тэлебачанне, радыё і інтэрнэт, напаўняюць суцэльнай хлуснёй пра выдатнае і шчаслівае жыццё ў Беларусі. Эфіры гудуць бясконцымі святамі, фестывалямі і гульнямі. На самай жа справе сітуацыя з кожным годам становіцца больш небяспечнай і катастрафічнай… Крызіс назіраецца ва ўсіх сферах дзейнасці”, — адзначыў Андрэй Пушкароў.


Кіраўнік БАЗА Паўднёвай Фларыды з абурэннем адзначыў, што ў Беларусі “знішчаецца нацыянальная культура, самабытнасць, годнасць. Знішчаецца беларуская мова і гісторыя. Разбіта эканоміка краіны, гіне адукацыя, навука, спорт, прамысловасць, сельская гаспадарка…”


Паводле прэс-службы БАЗА

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Грамадства: галоўнае

Больш цікавага на «Новым Часе»: