Набярэжная хоча перамен

Жыхары Набярэжнай у Брэсце вельмі заклапочаныя адсутнасцю рамонту дваровай тэрыторыі на працягу апошніх 60 гадоў.
«Рамонт і рэканструкцыю дваровай тэрыторыі паміж нашымі дамамі 36 і 36/1, запланаваныя у 2019 годзе, адмянілі. Як заявілі нам работнікі ЖЭC, планавыя грошы для рамонту сышлі на святкаванне 1000-годдзя горада. З 60-х гадоў мінулага стагоддзя прыдамавую тэрыторыю ніхто і ніколі не рамантаваў» - дзеліцца перажываннямі адна з жыхарак вуліцы Набярэжная.

Дваровая тэрыторыя сёння не адпавядае мінімальным патрабаванням па бяспечнай жыццядзейнасці і захаванню мінімальных стандартаў пражываюць там жыхароў.

Вось пералік асноўных праблем, якія паказваюць жыхары дамоў у калектыўным звароце:
- Цалкам адсутнічае дваровае асвятленне. Школьнікі з другой змены вяртаюцца дадому ў цемры.
- Ліўнёўкі і тратуары адсутнічаюць. Пасля дажджу тэрыторыя двара ператвараецца ў вялікую лужыну.
- Цвёрдае пакрыццё на прыдамавой тэрыторыі практычна зношанае, складаецца з суцэльных ям і калдобін.
- Парковачных месцаў проста няма. Зараз машыны паркуюць на ўсёй тэрыторыі, бо размежавання паміж дарогай і зялёнай зонай адсутнічае. У гэтым годзе частка парковачных месцаў у суседнім двары забралі пад смеццевыя бакі.
- Дзіцячая пляцоўка не абгароджана ад аўтамабільнай дарогі. Машыны паркуюцца побач з дзіцячым гульнявым абсталяваннем, так як няма абсталяванай паркоўкі. На пляцоўцы ўсталяваны новы дзіцячы комплекс, але сама пляцоўка не добраўпарадкавана. Бяспека дзяцей пад пагрозай.
- Бацькі суседніх дамоў вымушаныя весці дзяцей у дзіцячы сад №42 праз дваровую тэрыторыю, дзе няма тратуара, няма пешаходных дарожак, няма ліўнёвак і абсталяванай паркоўкі.
- Вышка МТС знаходзіцца на зялёнай зоне, што выглядае вельмі немэтазгодна і неэстэтычна.

«У дадзеным выпадку парушаны ўсе часовыя тэрміны рамонту і ўсе нарматывы па добраўпарадкаванні. Таму патрабаванні жыхароў цалкам заканамерныя і справядлівыя: правесці ў 2021 капітальны рамонт і рэканструкцыю дваровай тэрыторыі ў адпаведнасці з нарматывамі і стандартамі Рэспублікі Беларусь. Гэта забяспечыць стварэнне бяспечных і спрыяльных умоў для жыцця насельніцтва. Мы зацікаўлены ў фарміраванні экалагічнага і пажарабяспечнага, эстэтычна выразнага асяроддзя і належнага санітарнага стану тэрыторый» - каментуе патрабаванні жыхароў кіраўнік арганізацыі «За свой горад» Ігар Маслоўскі.

Паводле прэс-рэліза

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: