Настаўніцу асудзілі за шпацыр з бела-чырвоным парасонам. Сведка — яе былы вучань

Школьная настаўніца з Іванава Алена Пуцыковіч атрымала 1485 рублёў штрафу за шпацыр па горадзе з бел-чырвоным парасонам. Адным з сведак на судзе быў супрацоўнік міліцыі, у якога у свой час Алена Мікалаеўна выкладала, піша Tut.by.

Алена Мікалаеўна (у першым шэрагудругая злева) на судзе. Фота "Першы Рэгіён".

Алена Мікалаеўна (у першым шэрагудругая злева) на судзе. Фота "Першы Рэгіён".



Алена Мікалаеўна Пуцыковіч — выкладчык з амаль 30-гадовым педагагічным стажам. У Іванаўскай школе яна выкладае рускую мову і літаратуру. Раней у судах настаўніца не бывала, затое са жніўня яе выклікалі ўжо тройчы. За ўдзел у несанкцыянаваных мерапрыемствах і непадпарадкаванне супрацоўнікам міліцыі ёй ужо далі штрафаў на 100 базавых велічынь (2700 рублёў).

Апошні раз Алену Мікалаеўну судзілі 11 лістапада. Падставай для разбору стала прагулка па Іванава ў нядзелю 25 кастрычніка. У той дзень каля 20 жыхарак райцэнтра прайшлі па вуліцы Савецкай. У дзвюх з іх у руках былі бела-чырвоныя парасоны, у адной — толькі чырвоны.

Пазней на некаторых удзельніц прагулкі склалі пратаколы. Алене Мікалаеўне — за заклікі і ўдзел у несанкцыянаваным мерапрыемстве, а таксама непадпарадкаванне патрабаванню супрацоўніка міліцыі.

11 лістапада справу настаўніцы разгледзелі ў судзе.

Сведкам на судзе выступаў старшы інспектар Іванаўскага РАУС. У свой час Алена Мікалаеўна выкладала яму рускую мову і літаратуру.

Суд прызнаў Алену Мікалаеўну вінаватай і прызначыў ёй 55 базавых велічынь штрафу (1485 рублёў). Яшчэ адна ўдзельніца прагулкі, Марына Кіевец, атрымала 30 базавых (810 рублёў).


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: