Не каранавірус. У шпіталізаваных у Магілёве траіх чалавек вызначылі дакладны дыягназ

У шпіталізаваных у Магілёве траім людзям з прыкметамі ВРВІ лабараторна вызначылі дакладны дыягназ. І гэта не каранавірус, распавяла TUT.BY прэс-сакратар Міністэрства аховы здароўя Беларусі Юлія Барадун.
Нагадаем, 29 студзеня, дваіх чалавек з сімптомамі ВРВІ забралі на хуткай з паліклінікі. Людзі адпачывалі на кітайскім востраве і вярнуліся з тэмпературай, таму вырашылі падстрахавацца.

«Яны шпіталізаваны для высвятлення дыягназу і праверкі ў лабараторных умовах», — распавядала напярэдадні TUT.BY прэс-сакратар Міністэрства аховы здароўя Беларусі Юлія Барадун.

Пазней стала вядома, што яшчэ адзін жыхар Магілёва, які вярнуўся з Кітая, звярнуўся да лекараў.

Сёння, 30 студзеня Юлія Барадун паведаміла, што ў Магілёве каранавірус не пацверджаны.

А 28 студзеня з падазрэннем на каранавірус пад Мінскам шпіталізавалі дальнабойніка, які нядаўна вярнуўся з Кітая. Апасенні таксама не пацвердзіліся.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: