Недазволены «Чарнобыльскі шлях» рушыў да капліцы (фота, дапоўнена)

Некалькі дзясяткаў чалавек сабраліся каля Акадэміі навук, нягледзячы на адсутнасць дазволу на правядзенне акцыі.

Мітынгоўцы сабраліся каля каля Акадэміі навук, а пасля па ходніках скіраваліся да Чарнобыльскай капліцы на Бангалор. Назіральнікі назвалі колькасць удзельнікаў акцыі — 76 чалавек.
 





Напрыканцы шэсця, каля Чарнобыльскай капліцы адбыўся невялічкі мітынг. Выступілі Вячаслаў Сіўчык, Вольга Кавалькова.

Святар БАПЦ айцец Вікенцій прачытаў малітву. У шэсці ўдзельнічала да 50 чалавек. Пасля завяршэння мітынгу некаторыя грамадзяне ўсклалі кветкі да помніка ахвярам Чарнобыля.


Сіўчык падзякаваў прысутным за ўдзел у акцыі. Вольга Кавалькова заклікала падпісваць петыцыю за адмену пастановы Саўміна, паводле якой за любыя масавыя акцыі трэба плаціць за паслугі міліцыі вялізныя грошы.

Каля царквы была вялізная колькасць міліцэйскіх аўтобусаў і міліцэйскае начальства. Дый "ціхароў" падчас акцыі было ці не болей за ўдзельнікаў.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: