Ніколі такога не было, і вось ізноў! КДБ у чарговы раз заявіў аб затрыманні чалавека, нібыта вазіўшага ў Беларусь зброю

Камітэтам дзяржбяспекі затрыманы чалавек, які звазіў на тэрыторыю Беларусі зброю для тэрарыстычнай дзейнасці. Пра гэта гаворыцца паведамленні тэлеграм-канала «Белтэлерадыёкампаніі», размешчаным у чацвер.

Зброя, якая была "вынятая" па справе "Белага легіёну". Справа да суда не дайшла, куды зніклі "ствалы" — невядома.  


«Камітэтам дзяржбяспекі затрыманы чалавек, які звазіў на тэрыторыю Беларусі зброю. “Ствалы” прызначаліся для ўзбраення тэрарыстычных груп», — цытуе сюжэт, апублікаваны ў тэлеграм-канале, агенцтва Інтэрфакс-Захад.

Паводле інфармацыі тэлеканала, затрыманаму ўдалося зрабіць некалькі схронаў.

«Як спецыяліст, ён атрымаў падрыхтоўку ў снайперскай, а таксама падрыўной справе. Акрамя таго, абвінавачаны ажыццяўляў сачэнне за некаторымі прадстаўнікамі ўлады і сілавікамі з мэтай далейшага нападу на іх», — гаворыцца ў сюжэце.

Там адзначаецца, што праваахоўнікі выйшлі на мужчыну падчас расследавання справы аб нападзе на дом дэпутата Алега Гайдукевіча. Як паведамлялася, на мінулым тыдні былі затрыманыя падазраваныя ў нападзе на дом дэпутата беларускага парламента Алега Гайдукевіча.

«Затрыманыя больш за 20 чалавек-як непасрэдна выканаўцы тэрактаў, так і іх памагатыя. Расследаванне па крымінальнай справе працягваецца. Абвінавачаныя актыўна супрацоўнічаюць са следствам, даюць прызнальныя паказанні, выкрываючы і саміх сябе, і сваіх саўдзельнікаў», — паведаміў намеснік начальніка следчага ўпраўлення КДБ Канстанцін Бычак.

Дзеянні абвінавачаных кваліфікаваныя па арт. 289 КК (акт тэрарызму).

«Тэрарыстаў са зброяй» КДБ затрымлівае з зайздроснай рэгулярнасцю ад 2006 года. Аднак ніводная падобная справа чамусьці не дайшла да стадыі судовага разгляду.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: