Нягледзячы на перамогу на выбарах ФІФА, Блатэр пакідае пасаду прэзідэнта

Прэзідэнт Міжнароднай федэрацыі футбола (ФІФА) Ёзэф Блатэр заявіў, што вырашыў пакінуць сваю пасаду ў сувязі з карупцыйным скандалам, які разгарэўся вакол арганізацыі.
 



Па словах Блатэра, яго пераемніка выберуць на экстрэным канкгрэсе, што павінен адбыцца ў перыяд са снежня па сакавік. Да гэтага моманту ён працягне выконваць абавязкі кіраўніка арганізацыі.
 
 
На мінулым тыдні Блатэр выйграў чарговыя выбары прэзідэнта арганізацыі. Яго адзіны канкурэнт — іярданскі прынц Алі — зняў сваю кандыдатуру пасля таго, як прайграў у першым туры з разгромным лікам.
 
 
Выбары праводзіліся на фоне найбуйнейшага карупцыйнага скандалу ў гісторыі ФІФА. Швейцарскія праваахоўныя органы затрымалі па падазрэнні ў атрыманні хабараў 9 чыноўнікаў арганізацыі. Блатэр кіраваў ФІФА амаль 17 гадоў.
 
 
 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: