Новая намесніца міністра культуры ездзіць на самакаце і носіць Louis Vuitton

Хто такая Наталля Карчэўская, якая змяніла па пасадзе намесніка міністра культуры Ірыну Дрыгу.
Фота з сацыяльных сетак

Фота з сацыяльных сетак

Наталлі 46 гадоў. З 10 гадоў займалася ў харэаграфічным вучылішчы. Пазней зразумела, што балет — не яе і сышла танцаваць у эстрадна-харэаграфічны ансамбль “Чараўніцы”.

Скончыла харэаграфічны факультэт Універсітэта культуры. Танцавала ў Маладзёжным тэатры эстрады, стала майстрам сцэны.

Абараніла дысертацыю па спецыяльнасці “Гісторыя і тэорыя мастацтваў”, напісала шмат прац пра эстрадны танец.

Наталля Карчэўская побач з Юрыем Бондарам, яшчэ рэктарам БДУ культуры і мастацтваў, цяпер міністрам культуры

Наталля Карчэўская побач з Юрыем Бондарам, яшчэ рэктарам БДУ культуры і мастацтваў, цяпер міністрам культуры

Працавала выкладчыкам, дэканам факультэта традыцыйнай беларускай культуры і сучаснага мастацтва. 1 лютага 2018 года стала першым прарэктарам універсітэта культуры.

Наталля — дачка Уладзіміра Карчэўскага, аднаго з пачынальнікаў біятлона ў Беларусі.

Наталля Карчэўская з мужам Канстанцінам Міхаленкам

Наталля Карчэўская з мужам Канстанцінам Міхаленкам

Ездзіць на ровары і электрасамакаце, які падарыў муж, акцёр Беларускага дзяржаўнага маладзёжнага тэатра Канстанцін Міхаленка. Пара выхоўвае траіх дзяцей.

Мяркуючы па профілі ў Фэйсбуку, Наталля шмат вандруе і любіць сумкі Louis Vuitton за 1400 долараў.


Паводле euroradio.fm

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: