Па справе аб крадзяжы зброі ў Баранавіцкім гарнізоне затрыманы 14 чалавек

Начальнік склада зброі і боепрыпасаў адной з вайсковых часцей выкраў зброю і боепрыпасы, якія рэалізаваў як самастойна, так і праз іншых асоб.

sk.gov.by

sk.gov.by

Галоўнае следчае ўпраўленне Следчага камітэта расследуе крымінальную справу, распачатую камандзірам адной з воінскіх часцей Баранавіцкага гарнізона, па ч. 3 арт. 294 і ч. 2, 3 арт. 295 Крымінальнага кодэкса Рэспублікі Беларусь (крадзеж і незаконныя дзеянні ў дачыненні да агнястрэльнай зброі).

Па дадзеных следства, начальнік склада зброі і боепрыпасаў адной з вайсковых часцей выкраў зброю і боепрыпасы, якія рэалізаваў як самастойна, так і праз іншых асоб.

У цяперашні час па крымінальнай справе заключаны пад варту 14 чалавек, якія мелі дачыненне да супрацьпраўных дзеянняў.

Фігуранты справы даюць прызнальныя паказанні. Выкрадзеная зброя выяўлена.

Расследаванне крымінальнай справы працягваецца.

Прэс-служба Следчага камітэта

Хочаце ведаць больш? Сачыце за нашымі публікацыямі ў Telegram і Facebook!

Каментаваць