Па ўсёй краіне пройдзе спецмерапрыемства ДАІ

На тэрыторыі ўсёй краіны з бліжэйшага панядзелка Дзяржаўтаінспекцыя пачынае правядзенне рэспубліканскага спецмерапрыемства «Захавай сабе жыццё!».
minsknews.by

minsknews.by

Як паведамляецца, акцыя павінна нагадаць пешаходам аб неабходнасці строгага захавання правілаў бяспечных паводзін на дарозе, абавязковага выкарыстання флікераў і камізэлек падвышанай бачнасці ў цёмны час сутак, а таксама ва ўмовах недастатковай бачнасці.

Чакаецца, што экіпажы ДПС будуць патруляваць і дзяжурыць на участках дарог і вуліц, якія маюць найбольшую рызыку здзяйснення наездаў на пешаходаў. Акрамя супрацоўнікаў ДАІ будуць задзейнічаны і сілы міліцыі грамадскай бяспекі.

Дзяржаўтаінспектары наведаюць працоўныя калектывы і ўстановы адукацыі, дзе раскажуць аб асноўных рызыках і пагрозах бяспекі з улікам сезонных фактараў.

Будзе звяртацца ўвага і на кіроўцаў, якія не выконваюць правілы праезду пешаходнага пераходу.

Паводле звестак ДАІ, за восем месяцаў гэтага года ў Беларусі ўзрасла колькасць ДТЗ з удзелам пешаходаў (з 654 да 668) і колькасць пацярпелых (з 559 да 587). А вось колькасць загінуўшых трохі знізілася (са 111 да 109).

У верасні бягучага года ў 64 ДТЗ пацярпела 53 і загінула 14 пешаходаў.

naviny.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: