Пачалося? «Беларусбанк» прыпыніў крэдытаванне куплі жылля

З сённяшняга дня «Беларусбанк», адзін з найбуйнейшых банкаў краіны, прыпыніў выдачу крэдытаў на куплю жылля.
 Гэтую інфармацыю Onliner паведамілі ў кантакт-цэнтры «Беларусбанка».

— Крэдыты на нерухомасць прадастаўляюцца толькі ў рамках дамоўленасцей з пэўнымі забудоўшчыкамі (прадукт «Іпатэка з намі») і па 240-ім указе (для тых, хто мае патрэбу), — сказалі ў кантакт-цэнтры.

Здаецца, добрыя часы для таго, каб купіць кватэру ў крэдыт, сыходзяць у мінулае. Усяго некалькі месяцаў таму Onliner пісаў пра рэкордна нізкія стаўках па крэдытах на жыллё, але ў апошні час на фоне крызісных з'яў крэдыты становяцца ўсё менш і менш даступнымі. Выдачу крэдытаў на жыллё раней ужо прыпыніў «Франсабанк». А стаўкі па крэдытах у астатніх банках павысіліся прыкладна да 14,19% (СР + 5,44 п.п.) Хоць яшчэ ў лютым крэдыт на жыллё можна было ўзяць за ўсё пад 12% гадавых.


Паводле onliner.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: