Падчас суду па «справе Леаніда Судаленкі» абвінавачанай Таццяне Лісіцы стала кепска і яе звезлі ў СІЗА

Гэта стала вядома з ліста Леаніда Судаленкі, паведамляе «Вясна». Суд, нагадаем, праходзіць у закрытым рэжыме.

З ліста праваабаронцы Леаніда Судаленкі стала вядома, што на першым паседжанні суду над ім, Таццянай Ласіцай і Марыяй Тарасенка ў судзе Цэнтральнага раёна Гомеля абвінавачанай Таццяне Ласіцы стала кепска і яе звезлі ў СІЗА.

Працэс над праваабаронцам і яго памочніцамі закрыты, таму няма аніякай інфармацыі, што там адбываецца. Толькі вядома, што паседжанні адбываюцца штодня. Да 24 верасня запланавана 16 паседжанняў суду.

Суд па справе супраць палітзняволенага праваабаронцы «Вясны» Леаніда Судаленкі і валанцёрак Таццяны Ласіцы, Марыі Тарасенка пачаўся 3 верасня. Іх вінавацяць у «арганізацыі і фінансаванні дзеянняў, якія груба парушаюць грамадскі парадак».


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: