Паесці «пад 22-24%». «Еўраопт» пачаў прадаваць прадукты ў крэдыт

Папулярная служба дастаўкі прадуктаў і прамысловых тавараў «Е-дастаўка» ад «Еўраопта» цяпер прапануе свой тавар у крэдыт. За хлеб з малаком можна разлічвацца на працягу года, абы каб кошт замовы перавысіў 50 рублёў.

Фота evroopt.by

Фота evroopt.by

Стаўка вагаецца ад 22% (калі крэдыт выдаецца на паўгода) да 24% (на год), адзначае «Наша Ніва».

Грошы выдае «Статусбанк», які разам з «Еўраоптам» уваходзіць у бізнэс-імперыю «Еўрагандля».

Кампаніі-ўласнікі «Еўраопта» зарэгістраваныя на Кіпры і Брытанскіх Віргінскіх астравах. Канчатковыя бенефіцыяры — браты Сяргей Літвін (48,75%) і Аляксандр Літвін (1%), а таксама Уладзімір Васілька (49,75%). Яны жывуць за мяжой.

Афіцыйная інфляцыя на гэты момант 7,7%, стаўка рэфінансавання — 7,75%.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: