«Пакатушкі» па балотах забароняць?

Эколагі перамагаюць аматараў паганяць на джыпах па балотах: у закон «Аб ахове навакольнага асяроддзя» ўнесены папраўкі.

У прыватнасці, «Зялёны партал» звяртае ўвагу, што з 22 студзеня 2017 года ўступіць у сілу артыкул 54-1, які даслоўна абвяшчае:

«Правядзенне спартыўных, спартыўна-масавых, культурна-відовішчных, iншых масавых мерапрыемстваў, здзяйсненне турыстычных падарожжаў, у тым ліку з выкарыстаннем механічных і іншых транспартных сродкаў, самаходных машын, у спецыяльна не прызначаных для гэтых мэтаў месцах, размешчаных у натуральных экалагічных сістэмах (лясных, лугавых, балотных, водных і інш.), не дапускаецца, калі ў выніку іх правядзення будзе аказана шкоднае ўздзеянне на прыродныя комплексы і аб'екты альбо існуе пагроза такога ўздзеяння».

Іншымі словамі, любімыя месцы «пасялення» беларускіх джыпераў - лясы і балоты - трапляюць у забароненую зону для правядзення спаборніцтваў. Аднак ёсць і агаворка: турніры па джып-трыяле і трофі-рэйды можна будзе праводзіць, калі арганізатары возьмуць на сябе адказнасць за захаванасць навакольнага асяроддзя і пасля спаборніцтваў прывядуць усё ў першапачатковы выгляд. Зрэшты, у рэгламенце такіх турніраў і сёння прапісаны спецыяльны экалагічны ўнёсак, а тэрыторыі для джып-трыялу, як правіла, даўно «прыстраляныя» арганізатарамі і падтрымліваюцца ў належным стане.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: