Паліттэхнолагу Віталю Шкляраву выставілі абвінавачванне

У Беларусі выставілі абвінавачванне паліттэхнолагу Віталю Шкляраву. Артыкул — "Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" (арт. 342 КК), паведамляе «Еўрарадыё».
Віталь Шкляраў. Фота з архіву Еўрарадыё

Віталь Шкляраў. Фота з архіву Еўрарадыё


Паводле адваката  Віталя Шклярава Антона Гашынскага, Віталь сваю віну адмаўляе і не ведае, а "ці былі гэтыя падзеі ўвогуле" (у якіх яго абвінавачваюць). Абарона збіраецца абскардзіць абвінавачванне.

Пра затрыманне Шклярава было аб'яўлена 29 ліпеня. Сцвярджалася, што ён меў сувязь з некаторымі паплечнікамі Сяргея Ціханоўскага. У эфіры тэлеканала АНТ было заяўлена, што палітэхнолаг "укараняў у перадвыбарчыя штабы кандыдатаў сваіх агентаў... мабілізаваў вакол Ціханоўскага пратэстны электарат". Палітэхнолаг гэта адмаўляе, як і сам Ціханоўскі, які знаходзіцца за кратамі з 29 траўня.

Віталю Шкляраву 44 гады. Ён працаваў у якасці паліттэхнолага на выбарах у ЗША, Расіі.

Паводле euroradio.fm

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: