Палкоўнік Карпянкоў: Міліцыя ўзброена найперш гуманізмам

Начальнік Галоўнага ўпраўлення па барацьбе з арганізаванай злачыннасцю і карупцыяй МУС палкоўнік Мікалай Карпянкоў пракаментаваў абвінавачванні міліцыянераў у "брутальных затрыманнях" нібыта бяскрыўдных студэнтаў".
Фота: Reuters

Фота: Reuters

"Вельмі сучасна, прадбачліва паступіла кіраўніцтва МУС, калі стварыла падраздзяленні па супрацьдзеянні экстрэмізму, — цытуе словы Карпянкова сайт sb.by. — І мы працуем на папярэджанне, ўносім свой унёсак у спакой грамадства. Вядома, такая праца на апярэджанне ў нейкім сэнсе няўдзячная. Бо заціскаем экстрэмісцкія, злачынныя праявы ў зародку, калі маладыя бунтары яшчэ не паспяваюць паказаць сапраўдныя іклы".

Паводле слоў палкоўніка міліцыі, усе супрацоўнікі праваахоўных органаў — мужы, бацькі, у іх ёсць дзеці. "І мы ўзброены перш за ўсё гуманізмам, — кажа Мікалай Карпянкоў. — Таму нейкія патроны, наркотыкі мы ніколі нікому не падкідвалі. У міліцыі служаць патрыёты. Людзі, якія свядома хочуць гэты свет змяніць да лепшага. Вялікіх грошай, узнагарод у нас няма. І супрацоўнікі не шукаюць сабе славы. Проста, штодзённа напружваючыся, выконваюць пастаўленыя задачы, не чакаючы падзякі".

Карпянкоў прызнае, што "прафілактычныя меры", затрыманні, прыцягненне да адказнасці (адміністрацыйнай альбо крымінальнай) "не выклікаюць захаплення". "Але наш абавязак жорсткай рукой наводзіць парадак, — працягвае начальнік Галоўнага ўпраўлення па барацьбе з арганізаванай злачыннасцю і карупцыяй МУС. — Каб не расперазаліся хуліганы з бітамі ў масках. Чуем у свой адрас зласлівыя выразы, абяцанні адпомсціць. Але гэта спадарожныя нашай працы моманты".

euroradio.fm

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Лявон
  • 2017-03-28 18:35:40
"У міліцыі служаць патрыёты. Людзі, якія свядома хочуць гэты свет змяніць да лепшага." Агаа, зьмяніць калгас на зьвярынец.
  • Апошняе на сайце
,

Больш цікавага на «Новым Часе»: