Памятны знак імя Івашкевіча за масавыя акцыі атрымала Ніна Багінская

Удзень 1 жніўня на мінскай сядзібе БНФ памятным знакам імя Віктара Івашкевіча ўганаравалі актывістку Ніну Багінскую.

Узнагарода заснаваная партыяй БНФ у памяць Віктара Івашкевіча — палітыка, арганізатара і заяўніка дэманстрацый і шэсцяў, які пайшоў з жыцця ў 2013 годзе. Ёю адзначаюць арганізатараў і найбольш актыўных удзельнікаў значных вулічных акцый.

Памятны знак імя Віктара Івашкевіча

Памятны знак імя Віктара Івашкевіча



Паводле арганізатараў, мінулы год быў насычаны вулічнай актыўнасцю — ад маштабных акцый пратэсту супраць «дармаедскага» дэкрэту № 3 да неадэкватнага па сваёй жорсткасці ўжывання сілы падчас Дня Волі 25 сакавіка. Багінскую ж называлі «чалавекам-сцягам», адной з «асобаў, якія натхняюць сваім прыкладам іншых».

70-гадовая Ніна Багінская ня раз выходзіла на вулічныя пікеты і акцыі пратэсту, часам на адзіночныя пікеты, у тым ліку пад дзвярыма КДБ. За гэта ёй пастаянна выпісваюць штрафы. Агулам з 2016 году яна павінна сплаціць дзяржаве больш за 18 000 тысяч рублёў. Штрафы яна прынцыпова ня плаціць, іх вылічваюць па 20% з пенсіі.

У траўні мінулага году з мінскай кватэры актывісткі судовыя выканаўцы канфіскавалі мікрахвалёўку і пральную машыну ў лік штрафаў за акцыі, але на новую пральную машыну і мікрахвалёўку для яе Байнэт сабраў грошы за 5 дзён. Таксама ў Багінскай адабралі лецішча.

Ніна Багінская на Дні Волі, 25 сакавіка 2006 году

Ніна Багінская на Дні Волі, 25 сакавіка 2006 году

Ніна Багінская на акцыі «Праспект нацыянальнага сцяга», 14 траўня 2016 году

Ніна Багінская на акцыі «Праспект нацыянальнага сцяга», 14 траўня 2016 году


Затрыманьне Ніны Багінскай на Дзень Волі, 25 сакавіка 2017 году

Затрыманьне Ніны Багінскай на Дзень Волі, 25 сакавіка 2017 году

Затрыманьне Ніны Багінскай у час пікету ля КДБ, 31 сакавіка 2017 году

Затрыманьне Ніны Багінскай у час пікету ля КДБ, 31 сакавіка 2017 году

Ніна Багінская дома, 30 студзеня 2015 году


Ніна Багінская на акцыі ў падтрымку палітзняволеных, 26 сакавіка 2017 году

Ніна Багінская на акцыі ў падтрымку палітзняволеных, 26 сакавіка 2017 году

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Абмеркаванне:

  • Стома
  • 2017-08-05 11:11:14
Ей бы не помешало еще и материальное приложение к знаку. Она это заслуживает

Больш цікавага на «Новым Часе»: