Партыя БНФ перадала ў Адміністрацыю прэзідэнта прапановы па святкаванні Дня Волі

Старшыня Партыі БНФ Рыгор Кастусёў 11 кастрычніка перадаў у Адміністрацыю прэзідэнта прапановы па святкаванні Дня Волі ў 2019 годзе.

petitions.by

У прыватнасці, паведаміў БелаПАН палітык, сёння ён сустрэўся з намеснікам кіраўніка Адміністрацыі прэзідэнта Уладзімірам Жаўняком. «Галоўная тэма маёй размовы тычылася пытанняў таго, як будзе адзначацца Дзень Волі ў наступным годзе, а таксама рэалізацыі некаторых прапаноў партыі аб святкаванні 100-годдзя БНР у гэтым годзе. У тым ліку размова ідзе аб правядзенні тэматычных канферэнцый і мерапрыемстваў, а таксама ўсталяванні памятнай дошкі на доме, дзе была 100 гадоў таму абвешчана беларуская дзяржава», — распавёў палітык.  

План святочных мерапрыемстваў у Дзень Волі 25 сакавіка ў наступным годзе пакуль абмяркоўваецца «толькі папярэдне, ёсць розныя прапановы», дадаў ён. Пісьмовы адказ на зварот, па словах Рыгора Кастусёва, паабяцалі ў адміністрацыі даць ва ўстаноўленыя заканадаўствам тэрміны.

Беларуская Народная Рэспубліка была абвешчаная ў ноч на 25 сакавіка 1918 года. 100-годдзе стварэння БНР дэмакратычная грамадскасць адзначала 25 сакавіка гэтага году. Упершыню за многія гады Мінгарвыканкам дазволіў правесці ў цэнтры горада, каля опернага тэатра, святочны мітынг і канцэрт. Сталічныя ўлады таксама станоўча паставіліся да ідэі ўстаноўкі памятнай дошкі ў гонар 100-годдзя БНР. Сродкі на выраб дошкі сабралі ў інтэрнэце за некалькі гадзін. Планавалася, што дошка будзе ўстаноўлена 23 сакавіка, але пасяджэнне ў Мінгарвыканкаме савета, які афіцыйна павінен быў ухваліць гэтае рашэнне, было перанесенае на няпэўны час.

30 жніўня Беларуская сацыял-дэмакратычная партыя (Грамада) накіравала ў Мінгарвыканкам зварот з просьбай паскорыць працэс ўстаноўкі памятнай дошкі. Афіцыйны адказ паступіў у партыю ў сярэдзіне верасня. У ім паведамляецца, што ў адрас гарвыканкама «паступіў шэраг зваротаў ад грамадзян Рэспублікі Беларусь і прадстаўнікоў грамадскасці з негатыўным стаўленнем да пытання ўстаноўкі памятнай дошкі па вуліцы Валадарскага, 9». Пры гэтым у гарвыканкаме сцвярджаюць, што «пытанне аб мэтазгоднасці прыняцця рашэння па ўсталёўцы памятнай дошкі знаходзіцца на разглядзе». 

Naviny.by

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Anatol Starkou
  • 2018-10-11 17:21:18
Мамма Mia! І гэта сталы чалавек!

Спадар Рыгор,
Справа не ў святкаванні / не святкаванні ПРАПАГАНДЫСЦКАГА Дня Бел-Чырвона-Белай Волі, а ў тым, што Партыя БНФ на фіг непатрэбная беларускаму грамадству ні пад якім совусам. Вы не туды глядзіце і не туды звяртаецеся. Як кіраўнік ПАРТЫІ, калі ласка, звяртайце ўвагу на справы партыі, і не суньцеся ў справы Адміністрацыі прэзідэнта дзеля піяру. На мой погляд галоўная (з нядаўняга часу) праблема Партыі БНФ у тым, што партыя абрала вас (зянонаўца і не маладога чалавека) кіраўніком партыі. Гэта не толькі праблема, а й галоўная памылка партыі.

Што датычыцца адвяшчэння БНР у 1918, то адно тое, што яна была абвешчана пад нямецкім салдацкім ботам падчас акупацыі Беларусі Кайзераўскай Германіяй, не дазваляе ўсур'ёз казаць пра Дзень Волі. Хіба што для смеху ці ў двукоссях.
  • Anatol Starkou
  • 2018-10-11 19:28:32
Гэты каментар быў дадаў на фб старонку Партыі БНФ. Зараз зайшоў на старонку партыі. Няма каментара і партыя БНФ мяне заблакавала. Цяпер тамака каментаваць не змагу.
  • Васіль Бел-Чырвона-Белы
  • 2018-10-12 02:00:19
Відаць, каментара няма з той прычыны, што ён "на фіг непатрэбны беларускаму грамадству ні пад якім совусам".
  • Anatol Starkou
  • 2018-10-12 13:48:12
Мяркую не з-за таго. Планую напісаць адкрыты ліст сп Рыгору, ў якім пашыру той каментар. Можа й напішу.
Сённяшні час Партыі БНФ адрозніваецца ад яе нядаўняга мінулага часу. Вы Васіль можаце знайсці на Свабодзе мае каментары-бойку з зянонаўцамі адразу пасля першага прызначэння сп Янукевіча на пасаду кіраўніка партыі. Я біўся з старым за новае, падтрымліваючы Аляксея. Потым падчас выбараў-2015 на старонцы партыі змясціў свой артыкул-прадбачанне БЕЛ-ЧЫРВОНА-БЕЛЫЯ ДАНАЙЦЫ (ён і зараз вісіць), ў якім загадзя папярэджваў сп Караткевіч, што партыя БНФ яе здасць. То бок тое быў яшчэ час свабоды меркаванняў, свабоды слова, свабоды іншадумства. Але партыя, нават з маладым кіраўніком, паступова маргіналізавалася ў бок зяпонаўшчыны, ў бок зя-б-ч-б ідэалогіі нянавісці да беларусаў іншадумцаў. І доказам гэтага стала абранне сп Кастусёва, які сам казаў аб сваёй павазе да ідэй Зянона. То бок партыя вярнулася ў мінулае, то бок тут сабака парыўся: партыя з зя-мінулым стала непатрэбная грамадству
  • Цьфу!
  • 2018-10-11 23:58:02
Чакаем, калі і Новы Час нарэшце заблакуе антыбеларускага троля, аўтара гандлёвай маркі са здзеклівай для беларусаў назвай "Бульбаш" А.Старкова.