"Учора Домнінай Алене Мікалаеўне, якая 5 месяцаў знаходзілася ў Маладзечанскім ізалятары часовага ўтрымання, уручылі пашпарт грамадзянкі Расійскай Федэрацыі і адвезлі на мяжу Беларусі І Расіі. Адтуль яна сама павінна дабрацца да Казани і 1 год яна не мае права ўязджаць у Беларусь, у якой пражыла 30 гадоў. Яна папрасіла патэлефанаваць і паведаміць мне пра гэта", — напісала ў сваім ФБ грамадская актывістка Вольга Кавалькова.
Нагадаем, 58-гадовая Алена Мікалаеўна, грамадзянка Расіі, якая замужам за беларусам ўжо 30 гадоў, жыве ў Радашковічах, мае дачку ў Казані, аднойчы яна ехала ў аўтобусе, і ў яе парэзалі сумку, скралі пашпарт. Не адразу, але яна САМА звярнулася ў Маладзечанскі аддзел па грамадзянстве і міграцыі, а калі прыйшла праз пару месяцаў 9 снежня 2016 удакладніць вынік, то яе змясцілі ў ізалятар часовага ўтрымання. Ніякіх дакументаў пры гэтым ёй не выдалі. Яна, як чалавек, які не вельмі разбіраецца ў працэдурах, не разумела, што яна тут робіць, плакала, галадала.
Чытайце таксама: У Маладзечне 58-гадовую жанчыну 5 месяцаў трымаюць у ізалятары за скрадзены ў яе пашпарт?
10 сакавіка 2017 года, ёй прынеслі пастанову аб тым, што яе ўтрыманне ў
ізалятары працягнута да верасня 2017 года. У пастанове было напісана,
што 28 студзеня 2017 яны зрабілі запыт аб вырабе яе пашпарта ў расійскую
амбасад. Значыць змясцілі ў ізалятар 9 снежня, а запыт зрабілі праз 2
месяцы.
Яна ніколі ў жыцці не прыцягвалася ні да якой адказнасці,
жыла сабе, працавала, а зараз вымушаная ў жудасных умовах чакаць калі ёй
вырабяць пашпарт.
З яе слоў інспектар аддзела міграцыі сказаў,
што яе дэпартуюць на 1 год, калі вырабяць пашпарт. А да гэтага яна
будзе сядзець у ізалятары. І вось пасля розгаласу ў СМІ і ўмяшальніцтва праваабаронцаў жанчыне выдалі пашпарт і дэпартавалі з Беларусі. Тут у яе застаўся муж, з якім Алена пражыла 30 гадоў.
