Павел Севярынец: Напал Маршаў абураных беларусаў чакае свайго часу

Год таму людзі набылі веру ў свае сілы і магчымасці. "Рана ці позна рэжыму давядзецца заплаціць за гвалт з грамадзянаў. Думаю, што людзі выйдуць зноўку" , — лічыць Павел Севярынец. 

Павел Севярынец на Маршы абураных беларусаў. 17 лютага 2017 года. Фота Арцёма Лявы

Пра гэта Charter97.org заявіў адзін з лідараў аргкамітэта для стварэння партыі «Беларуская хрысціянская дэмакратыя» Павел Севярынец у каментары пра гадавіну Маршаў абураных беларусаў:

— З аднаго боку, пратэсты 2017 году былі нечаканымі, а з другога — цалкам прадказальнымі.

Гэтыя пратэсты паказалі, што цярпенне беларускага народа не бязмежнае і трыванне зла — не бясконцае.

Ёсць апошняя кропля, якая падае, — і беларускі народ паўстае. Менавіта пасля пратэстаў 2017 году рэжым упершыню за апошнія гады «адкруціў» назад абсурдную ініцыятыву ў збіранні падаткаў з беспрацоўных.

Маршы абураных беларусаў сталі нашай агульнай перамогай. Беларусы за некалькі месяцаў паверылі ў тое, што яны могуць нешта змяніць у краіне. І я думаю, што зарад бадзёрасці тых маршаў захаваўся ў людзей і чакае свайго часу. І калі гэты час прыйдзе, калі рэжым зробіць фатальную памылку і ўпадзе апошняя кропля — беларусы будуць ведаць, што рабіць.

Марш абураных беларусаў. 17 лютага 2017 года. Фота Арцёма Лявы

— Ці можа новы дэкрэт аб «дармаедах» стаць такой кропляй?

— Падпісаўшы дэкрэт №1, рэжым Лукашэнкі паказаў, што яго гвалтоўны характар не змяніўся. Але я думаю, што тут найшла каса на камень.

Рана ці позна рэжыму давядзецца заплаціць за гвалт з грамадзянаў. Думаю, што людзі выйдуць зноўку. Магчыма, гэта будзе на адразу, а тады, калі новы дэкрэт закране крытычную масу беларусаў. У кожным выпадку, магчымы альбо паўтор падзей 2017 года, альбо нешта яшчэ больш магутнае.

Таму што грань трывання зла людзьмі становіцца ўсё больш тонкай. Беларускі народ набліжаецца да лініі пратэстнага выбуху.

Марш абураных беларусаў. 17 лютага 2017 года. Фота Арцёма Лявы




Хочаце ведаць больш? Сачыце за нашымі публікацыямі ў Telegram і Facebook!