Пажар у Будслаўскім касцёле патушылі, дах гарэў адкрытым полымем і абваліўся (фота, відэа)

11 мая ў раніцу загарэўся касцёл у Будславе (касцёл Унебаўзяцця Найсвяцейшай Дзевы Марыі), у якім знаходзіцца адна з найважнейшых святынь Беларусі — Будслаўскі абраз Маці Божай, адзін з найбольш шануемых каталіцкіх абразоў.

Відавочцы паведамляюць, што касцёл гарэў вельмі моцна, гарэў дах і святыня з’яўляецца пад пагрозай затаплення. На месца прыехалі пажарныя разлікі, прыхаджане дапамагаюць ратаваць убранне касцёла, у тым ліку галоўную святыню, сам абраз, які своечасова атрымалася вынесці. Але дах касцёла ўратаваць ужо наўрад ці атрымаецца. Вельмі хутка пажар дасягнуў такой моцы, што немагчыма было зайсці ўнутр, і пажарным даводзілася змагацца з наступствамі ўжо з драбінаў.

Пазней паступілі паведамленні, што дах касацёла гарыць адкрытым полымем і часткова ўжо выгарэў. Аб гэтым распавёў catholic.by. Супрацоўнікі МНС працягваюць змагацца са стыхіяй.

З цягам часу касцёл удалося патушыць. Галоўнае наступства пажару — дах выгарэў і абваліўся.

У 1996 годзе Папа Рымскі Ян Павел II абвясціў ікону патронкай Беларусі. З 1992 года Будслаў з’яўляецца месцам масавага паломніцтва да цудатворнай іконы Маці Божай Будслаўскай. 2 ліпеня 1998 года цудадзейны абраз Маці Божай Будслаўскай быў каранаваны папскімі каронамі, каранацыю здзейсніў першы беларускі кардынал Казімір Свёнтак. У сваім казанні ён абвясціў Маці Божаю Будслаўскую заступніцай і царыцай Беларусі, а будслаўскі касцёл — нацыянальным санктуарыем.


Каля 10-й гадзіны дах над цэнтральнай навай касцёла быў цалкам знішчаны агнём і абрынуўся. Упаў і адзін з жырандоляў.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: