Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Першы скандал паўмарафона: «пераможца» дыстанцыі на 10,5 вельмі хітра змахляваў

Жыхар горада Асіповічы «зрэзаў» адну з дыстанцый Мінскага паўмарафона, з-за чаго па памылцы быў абвешчаны пераможцам.
Ілюстрацыйны здымак

Ілюстрацыйны здымак



Мінскі паўмарафон праходзіць у сталіцы ўжо трэці раз. Прабегчы па цэнтральных вуліцах Мінска ў гонар Дня горада вырашылі каля 30 тысяч чалавек.

Ужо праз паўгадзіны пасля старту адной з дыстанцый - у 10,5 кіламетраў - пераможцам быў абвешчаны жыхар Асіповічаў. Аднак неўзабаве арганізатары абвясцілі, што мужчына павёў сябе не па-спартоваму і «зрэзаў» дыстанцыю.

Да таго, як стала вядома, што мужчына падмануў арганізатараў, ён паспеў павіншаваць у мікрафон сталіцу з 950-годдзем і пажадаў «Асіповічам таксама не хварэць». Калі б ён сапраўды так хутка бег, яго хуткасць павінна была б складаць больш за 21 кіламетры ў гадзіну.

Ужо вядома і імя найлепшага бегуна на дыстанцыі 5,5 кіламетра. Ім аказаўся Максім Юшчанка, які справіўся з дыстанцыяй за 16 хвілін 39 секунд. Яго і іншых пераможцаў Мінскага паўмарафон чакаюць каштоўныя прызы.

Паводле «Нашай Нівы»

Каментаваць