Пісьменніца Людміла Рублеўская звольнілася з «СБ. Беларусь сегодня»

Пісьменніца Людміла Рублеўская сышла з галоўнай афіцыйнай газеты "СБ. Беларусь сегодня", піша Еўрарадыё.

Людміла Рублеўская / facebook.com

Людміла Рублеўская / facebook.com



У каментары TUT.by яна паведаміла, што сыход адбыўся яшчэ месяц таму. Апошнія публікацыі Рублеўскай на сайце выдання датаваныя 14 жніўня.

Ад іншых каментароў пісьменніца адмовілася.

У "СБ. Беларусь сегодня" яна працавала літаратурнай аглядальніцай з 2003 года. Цяпер яе тэксты выходзяць на сайце газеты "Звязда".

Людміла Рублеўская — вядомая беларуская пісьменніца. Сярод яе кніг — аповесці "Сэрца мармуровага анёла", "Ночы на Плябанскіх Млынах", серыя раманаў "Авантуры Пранціша Вырвіча". Першы з іх экранізаваны сёлета на "Беларусьфільме". У 2017-м Рублеўская стала лаўрэаткай Нацыянальнай літаратурнай прэміі за кнігу "Авантуры Пранціша Вырвіча".

З галоўнай афіцыйнай газеты за апошнія два месяцы звольніліся шэраг супрацоўнікаў. З пачатку жніўня з навінавага аддзела звольніліся Аліна Янчур, Аляксандр Кастыка, Вадзім Шундалаў і Святлана Галуза. Спыніў супрацу з выданнем пісьменнік Уладзімір Сцяпан, які сёлета быў узнагароджаны Нацыянальнай літаратурнай прэміяй як найлепшы беларускі празаік.

Таксама з выдання сышла Юлія Васілішына — жонка рэдактара аддзела расследаванняў "СБ. Беларусь сегодня" Рамана Рудзя.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: