Плакат да Дня Волі ад Уладзіміра Цэслера

Знакаміты дызайнер Уладзімір Цэслер намаляваў універсальны плакат да Дня Волі.


З просьбай намаляваць плакаты да Дня Волі да  Уладзіміра Цэслера звярнуўся Павел Белавус.

"Месяц назад я звярнуўся да Vladimir Tsesler з ідэяй каб і ён прапанаваў свой варыянт лагатыпа для БНР 101 Дзень Волі 2019, які быў бы не прывязаны да канкрэтнага года, а проста і дасканала адлюстроўваў значэнне гэтага свята, як ў гістарычным, так і ў сучасным значэнні.

Мы сустрэліся ў яго майстэрні. Спадар Уладзімір адразу сказаў, што абавязкова павінна быць адсылка да бел-чырвона-белага сцяга і Пагоні, бо без іх Дзень Волі не будзе Днём Волі.

Адразу і з’явілася ідэя паказаць імкненне да Волі. Вырашылі, што трэба намаляваць абрыс Пагоні ў дынаміцы, якая пакідае за сабою след, а разам кампазіцыя нагадвае бел-чырвона-белы сцяг.

І вось сёння Уладзімір Цэслер паказаў фінальны варыянт. Як вам?" — напісаў Белавус у сваім фэйсбуку.

Хочаце ведаць больш? Сачыце за нашымі публікацыямі ў Telegram і Facebook!