Польская чыгунка звязала Гродна з Кракавам

Ад 4 верасня з Гродна да Кракава штодня пачынае курсіраваць цягнік польскага фармавання. Ён будзе выпраўляцца а 15.32 паводле беларускага часу і паедзе праз Кузьніцу, Беласток і Варшаву. Прыбыццё ў Кракаў — а 23.04.


Як паведамляе сайт Беларускай чыгункі, квіток да Варшавы каштуе 34 рублі, да Кракава — крыху больш за 46 рублёў. У адваротны шлях з Кракава цягнік будзе адпраўляцца а 4.46, у Гродна прыбудзе а 14.22.

Прадстаўнікі Беларускай чыгункі патлумачылі неабходнасць новага маршруту падвышаным попытам на паездкі пасажыраў у суседнюю Польшчу.


Паводле svaboda.org

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: