Помнікі Леніну абліваюць фарбай па ўсёй Беларусі

Па Беларусі пайшла хваля абліцця помнікаў Леніну чырвонай фарбай.

Помнік Леніну ў Брэсце

22 красавіка, на дзень народзінаў Леніна — арганізатара перавароту ў Расіі ў 1917 годзе — помнік быў абліты ў Магілёве, 21 красавіка — у Брэсце, у сакавіку — у Браславе і мястэчку Малеч.

Помнік Леніну ў Браславе

У Брэсце міліцыя ў пошуку так бы мовіць злачынцы задзейнічала нават сабак. Знойдзены вінаваты толькі ў Малечы. Ён зайшоў у бліжэйшую ад помніка кавярню памыць рукі ад фарбы. І натрапіў на ўчастковага. Той пры пошуку вінаватага прыгадаў эпізод з мыццём рук.

Помнік Леніну ў Лідзе

Помнік Леніну ў Лідзе


Гэта не вандалізм, гэта адносіны да гістарычнай постаці, кажа прэс-сакратар Аб’яднанай грамадзянскай партыі Ганна Красуліна:

— Калі раней людзі хацелі б абліць яго фарбай, але не знаходзілі для гэтага смеласці, то зараз сталі адкрыта праяўляць усе тыя пачуцці, якія даўно наспявалі. 

Аляксандар Кабанаў адзначыў:

— Людзі пачалі цікавіцца гісторыяй сваёй краіны, а ў гісторыі спадар Ленін нам нічога добрага не зрабіў. А па-другое, Украіна побач. Людзі бачаць, як там ідзе дэкамунізацыя. Усе гэтыя Леніны, Дзяржынскія, Свердлавы і так далей — купка маньякаў, якія знішчалі свой народ.

2 мая ў судзе Бярозаўскага раёна адбудзецца адміністрацыйны працэс за абліццё помніка Леніну ў Малечы. А меўся пачацца працэс нават як крымінальны. 

Беларускае Радыё Рацыя



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: