Працягваецца збор подпісаў у падтрымку Даната Скакуна

На платформе petitions.by працягваецца збор подпісаў з патрабаваннем стварыць міжведамасную камісію для комплекснай праверкі працы ўсіх датычных да вынясення абвінаваўчага прысуду Данату Скакуну. Сабрана ўжо амаль 1000 подпісаў.

Гімназіст Данат Скакун асуджаны на 8 год зняволення за нібыта замах на забойства настаўніцы Валянціны Губарэвіч, які меўся 23 мая 2016 года. Але ў тых, хто сачыў за гэтай справай, засталося шмат пытанняў адносна датычнасці хлопца да гэтага злачынства, на якія следства так і не дало адэкватнага адказу. 

Для следчых Донат так і застаўся адзіным падазраваным, іншых версій, акрамя той, якую агучыла Губарэвіч, яны не разглядалі. Мінскі гарадскі суд, нягледзячы на ​​шматлікія супярэчнасці ў справе і наяўнасць у абвінавачанага алібі, 7 мая 2017 года прысудзіў Даната на 8 гадоў зняволення. Вярхоўны Суд Рэспублікі Беларусь 19 верасня 2017 года пастанавіў пакінуць прысуд без змен.

Аднак у матэрыялах справы, агучаных у інтэрнэце, змяшчаецца мноства пацверджанняў таго, што Донат не рабіў злачынства. Аўтары петыцыі прыводзяць некаторыя факты, якія дазваляюць паставіць пад сумнеў вынікі следства. Напрыклад, следства і суд праігнаравалі наяўнасць у Даната алібі: раніцай 23 мая ён знаходзіўся ў гімназіі з 8.13 да 8.30, пры гэтым да 8.20 злачынства не магло быць здзейснена, так як В. В. Губарэвіч была ў кабінеце з настаўніцай малодшых класаў, а з 8.20 да 8.30 Донат знаходзіўся на іншым паверсе з аднакласнікам, разам з якім у 8.30, па дадзеных камеры відэаназірання, яны выйшлі з гімназіі.

Таксама не абгрунтаваны матыў нападу: Донат ўраўнаважаны чалавек без псіхічных адхіленняў, характарызуецца выключна станоўча, ён спакойна ставіўся да ацэнак у школе, яны не былі яго самамэтай — ніякае перажыванне ня прымусіла б Даната напасці на чалавека. У першы ж вечар пасля затрымання Донат пагадзіўся прайсці праверку на паліграфе, і вынікі не засведчылі яго дачыненне да справы, а вось пацярпелая прайсці даследаванне на паліграфе адмовілася.

Суд адмовіўся праверыць магчымасць здзяйснення злачынства Данатам: не быў праведзены следчы эксперымент, не зроблены хранаметраж падзей, а гэта пацвердзіла бы алібі Даната і непраўдзівасць паказанняў пацярпелай. Усе хадайніцтвы абароны, якія маглі паўплываць на рашэнне суда і дапамагчы высветліць ісціну ў гэтай справе, былі адхіленыя. Праігнараваны той факт, што на месцы злачынства не было ніякіх слядоў Даната — ні адбіткаў пальцаў, ні крыві.

Аўтары петыцыі прыводзяць і іншыя факты, якія ставяць пад сумнеў якасць працы следства і суда.

Такое аднабаковае і прадузятае следства і судовы разгляд справы можа сведчыць аб наяўнасці карупцыйных сувязей і асабістай зацікаўленасці службовых асоб у выніках разбору.

Ініцыятары петыцыі звяртаюцца да кіраўніка краіны А.Р. Лукашэнка і Дзяржаўнага сакратара Савета Бяспекі Рэспублікі Беларусь С.В. Зася з просьбай разабрацца ў гэтай справе і дапамагчы аднавіць справядлівасць.

Для гэтага, на іх думку, неабходна:
  • стварыць міжведамасную камісію і правесці комплексную праверку працы ўсіх датычных да вынясення абвінаваўчага прысуду Данату Скакуну: прадстаўнікоў Следчага камітэта Рэспублікі Беларусь, Дзяржаўнага камітэта судовых экспертыз Рэспублікі Беларусь, Мінскага гарадскога суда, пракурора, Вярхоўнага Суда Рэспублікі Беларусь;
  • прыцягнуць да адказнасці асоб, якія маюць дачыненне да фальсіфікацыі доказаў (у тым ліку следчых, якія ўдзельнічалі ў допыце Даната ў першую ноч пасля затрымання, — атрыманае на ім прызнанне было кваліфікавана судом як «здабытае з парушэннем заканадаўства»);
  • прыцягнуць да адказнасці службовых асобаў, якія ў парушэнне прэзумпцыі невінаватасці распаўсюдзілі праз СМІ заведама ілжывыя звесткі пра гэтую справу.

Аўтары петыцыі просяць усіх, у каго ёсць будзь-якія сумневы ў датычнасці Даната Скакуна да гэтай справы, паставіць свой подпіс пад зваротам.


Абмеркаванне:

  • Сорокина Светлана Эдуардовна
  • 2017-11-25 16:37:06
отсутствие убедительных доказательств
  • kruplev@tut.by
  • 2017-11-25 18:14:39
Павiнна быць пауторнае незалежнае сьледства.
  • Иван Кульчицкий
  • 2017-11-26 01:39:50
Следствие не было проведено так, как полагалось. Следствие изначально направлялось "неизвестным" и "неназванным" чином милиции по ложным рельсам. Следственный эксперимент проведен не был.
Алиби Доната не было принято во внимание, как и множество других важных улик. Права несовершеннолетнего были тяжко нарушены, несовершеннолетний Донат подвергся пыткам в СИЗО- допросы несовершеннолетнего в ночное время относятся к разделу "пытки". Так же лишение подростка возможности общаться с матерью. Требую назначения комиссии и пересмотра всех неучтенных улик, проведения следственного эксперимента, и проверки учительницы Губаревич на противозаконное занятие бизнесом и привлечения ее несовершеннолетних учеников к перемещению больших денежных сумм во время ее уроков.
  • Больбат Любовь Валерьевна
  • 2017-11-26 23:33:42
Отсутствие убедительных доказательств виновности.
  • Галіна
  • 2017-11-26 23:44:09
Данат невінаваты!!! Каму пракрычаць гэтыя словы, каб хлопчыка нарэшце адпусцілі???
  • Светлана
  • 2017-11-26 23:51:25
Призвать Губаревич к ответу за то,что она оговорила невинного подростка и за противозаконное занятие бизнесом и привлечения своих учеников к перемещению больших денег во время её уроков. А так же за то, что взяла у несчастных родителей 23 тыс. долларов, а Доната осудили на 8 лет!
  • Андрей
  • 2017-12-07 00:05:00
Службы собственной безопасности уже давно должны были на ушах стоять,проверяя причастных к этому " расследованию" на предмет личной заинтересованности,кумовства и злоупотребления служебными полномочиями!
О каком доверии к правоохранительным органам после этого можно говорить?! А без такого доверия само существование государства ставится под вопрос.

Каментаваць