Праезд у метро можна будзе аплаціць праз сістэму распазнання твараў

Гэта стане магчымым ужо ў хуткім часе.
Аплату праезду пры дапамозе сістэмы распазнання асоб неабходна ўвесці ў метро Мінска ў тэставым рэжыме ў бліжэйшыя месяцы. Пра гэта падчас гарадскога семінара для кіраўнікоў камунальных прадпрыемстваў сталіцы на базе Мінскага метрапалітэна распавёў намеснік старшыні Мінгарвыканкама Аляксандр Дараховіч, перадае карэспандэнт агенцтва «Мінск-Навіны».

— З банкам, які рэалізуе праект, ужо праведзена папярэдняя праца, прайшлі перамовы, дасягнута паразуменне па гэтым пытанні. Спярша сістэма запрацуе на адным з турнікетаў, тэставаць яе будуць самі работнікі банка. Толькі пасля таго, як яна стане працаваць бездакорна, прапануем скарыстацца новай функцыяй пасажырам, — удакладніў А. Дараховіч.

У агульных рысах сутнасць ноу-хау такая: партрэт пасажыра прывязваецца да яго банкаўскай картцы. Калі чалавек праходзіць праз турнікет, яго твар аўтаматычна фіксуецца камерай, распазнаецца з дапамогай адмысловай сістэмы па 120 кропках. У выніку з банкаўскай карты спісваецца кошт паездкі і турнікет адчыняецца.

Заўважым, падобныя сістэмы зараз тэстуюцца ў метрапалітэне Масквы, яны ўжо ўкаранёны ў адным з гарадоў Кітая.

minsknews.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: