Праваабаронцы Марфе Рабковой прад’явілі абвінавачванне

25 верасня праваабаронцы Марфе Рабковай, валанцёру незарэгістраванага праваабарончага цэнтра «Вясна», прад’явілі абвінавачванне па частцы 3 артыкула 293 КК (навучанне ці іншая падрыхтоўка асоб для ўдзелу ў масавых беспарадках, фінансаванне ці іншае матэрыяльнае забеспячэнне такой дзейнасці).

Фота: facebook.com/marfa.rabkova


Рабкова знаходзіцца ў СІЗА №1 Мінска на вуліцы Валадарскага. Яе адвакат даў падпіску аб неразгалошванні.

Рабкову разам з мужам Вадзімам Жаромскім затрымалі 17 верасня супрацоўнікі ГУБАЗіК. Ім паведамілі, што іх затрымліваюць у рамках часткі 3 артыкула 293 КК (навучанне ці іншая падрыхтоўка асоб для ўдзелу ў масавых беспарадках, альбо фінансаванне такой дзейнасці). У кватэры правялі ператрус, канфіскавалі тэхніку, грошы і асабістыя рэчы. Вадзіма адпусцілі, а Марфу затрымалі па падазрэнні ў здзяйсненні злачынства. 19 верасня яе перавялі ў СІЗА №1.

Праваабаронцы прызналі Рабкову палітвязнем.

REFORM.by



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: