«Прэса пад прэсам»: з'явіўся сайт, на якім фіксуюцца рэпрэсіі ў адносінах да журналістаў

У байнэце з'явілася адмысловая старонка, на якой сабраны выпадкі пераследу рэпарцёраў незалежных медыя. Сайт пастаянна папаўняецца.
Адрас сайту — underpressure.press-club.by/

«Збіццё, раненні, затрыманні. Ператрусы, арышты, суды. Блакаванні сайтаў, адмова ў друку, пазбаўленне статуса СМІ, — адзначаецца на тытульнай старонцы рэсурса. — Беларускіх незалежных журналістаў і медыя больш не абараняюць ні закон, ні камізэлькі з надпісам «Прэса», ні пасведчанні.

Ужо некалькі месяцаў,  са жніўня 2020 года, журналісты, рэдактары, фотакарэспандэнты працуюць без нармальнага адпачынку, на адрэналіне. А яшчэ яны начуюць ля РУУС і ізалятараў часовага ўтрымання, куды адпраўляюць іх калегаў, праводзяць акцыі салідарнасці, патрабуюць сустрэч з кіраўніцтвам МУС... І працягваюць рабіць сваю працу: знаходзіць і распаўсюджваць інфармацыю аб тым, што адбываецца ў Беларусі тут і цяпер.

 Мы вымушаныя канстатаваць, што на момант апублікавання праект «Прэса пад прэсам» не можа лічыцца завершаным: колькасць пацярпелых журналістаў павялічваецца, гісторый становіцца ўсё больш, яны знаходзяць працяг. Так, на галоўрэда «Нашай Нівы» ўжо пасля запісу падкаста з ім завялі крымінальную справу «за паклёп». Многіх журналістаў затрымліваюць і саджаюць у другі, трэці раз — лёгка збіцца з рахунку. Таму мы будзем працягваць запісваць гісторыі журналістаў і рэдактараў, іх апавяданні пра тое, што адбываецца і якое працаваць у такіх умовах. Паслухайце галасы беларускіх журналістаў і рэдактараў, прачытайце іх гісторыі, паглядзіце ў іх вочы. Каб зразумець, чаго ім варта захоўваць вернасць прафесіі і рабіць сваю справу, нягледзячы ні на што».


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: