Прычынай разбурэння моста над Прыпяццю маглі стаць канструктыўныя хібы

Прычынай разбурэння моста над Прыпяццю каля Жыткавічаў маглі стаць яго канструкцыйныя хібы. Пра гэта намеснік прэм'ер-міністра Беларусі — старшыня Камісіі па надзвычайных сітуацыях пры Савеце Міністраў Анатоль Калінін заявіў 9 снежня перад пачаткам пасяджэння штаба камісіі, перадае БЕЛТА.
Здымак МНС Беларусі

Здымак МНС Беларусі



Па словах віцэ-прэм'ера, канчатковую выснову аб прычынах здарэння павінна будзе зрабіць спецыяльная камісія Мінтранса. На падставе гэтых высноваў будзе прымацца рашэнне аб замене пашкоджанай часткі моста або пра яго поўнае абнаўленне. На сёння ў Беларусі пяць мастаў з аналагічнай канструкцыяй. Адзін з іх у раёне Бабруйска ўжо капітальна рамантаваўся, таму будзе разглядацца пытанне наконт абнаўлення іншых мастоў.

7 снежня на мосце праз Прыпяць, размешчаным на 17-м км рэспубліканскай аўтадарогі Р88 Жыткавічы — Давыд-Гарадок — мяжа Украіны (Верхні Церабяжоў) знайшлі вертыкальную прасадку ездавога палатна. Дзеля бяспекі карыстальнікаў дарогі рух транспарту праз мост быў цалкам забаронены.

Паводле «Еўрарадыё»

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: