«Рассельгаснагляд» завярнуў у Беларусь 27 тон кантрабанднай садавіны і гародніны

«Рассельгаснагляд» сцвярджае, што Мінскі філіял РУП «Белтаможсервіс» паспрабаваў адправіць у Расію 27 тон гародніны і садавіны з Захаду па падробленых дакументах.



«У межах мерапрыемстваў, якія праводзяцца ў мэтах выканання Указа Прэзідэнта Расійскай Федэрацыі ад 2014/08/06 №560 «Аб прымяненні асобных спецыяльных эканамічных мер у мэтах забеспячэння бяспекі Расійскай Федэрацыі», у перыяд з 13 па 14 верасня 2014 года ў пункце пропуску «Чырвоная Горка» ва ўзаемадзеянні з памежнай службай Смаленскай вобласці забаронены ўвоз больш за 27 тон расліннай прадукцыі», — гаворыцца ў паведамленні «Рассельгаснагляду».

У тым ліку пры фітасанітарным кантролі грузаў інспектары ўпраўлення «Рассельгаснагляду» выявілі больш за 9 тон свежай салаты з галандскай маркіроўкай на скрынях.

Адпраўніком забароненай да паставак у Расійскую Федэрацыю прадукцыі з’явілася РУП «Белтаможсервіс». Пры гэтым у фітасанітарных дакументах, выдадзеных у Беларусі, было заяўлена ізраільскае паходжанне грузу.

Гэтае ж рэспубліканскае ўнітарнае прадпрыемства 14 верасня па несапраўдным фітасанітарным сертыфікаце адправіла ў Расію больш за 18 тон рознай садавіны, ігруш, нектарынаў і персікаў паходжаннем з Марока.

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Праўдасек
  • 2014-09-17 02:27:09
Цыганшчына ў масштабах краіны

Больш цікавага на «Новым Часе»: