Рух «За Свабоду» патрабуе спыніць ціск на TUT.by і незалежныя СМІ

Рух «За Свабоду» прыняў адмысловую заяву з нагоды ціску на Беларускі партал TUT.by і незалежныя СМІ.
«Рух "За Свабоду" расцэньвае дзеянні ўлад як спробу прымусіць замаўчаць найбуйнейшы незалежны навінавы рэсурс Беларусі. Гэта палітычны пераслед СМІ, які не мае пад сабой ніякіх іншых падстаў.

Незалежныя медыя — гэта наш шанец пачуць поўную і праўдзівую інфармацыю, журналісты якіх працуюць цяпер ва ўмовах жорсткага прэсінгу з боку ўлад. Ім зараз патрэбная наша падтрымка, каб мець магчымасць падтрымаць нас», — гаворыцца ў заяве.

Рух «За Свабоду» выказвае безумоўную падтрымку TUT.by і патрабуе ад улад неадкладна спыніць ціск і разблакаваць доступ да партала, вызваліць журналістаў і супрацоўнікаў СМІ.

«Мы заклікаем беларускае грамадства да публічнай салідарнасці і падтрымкі TUT.by і іншых незалежных СМІ. Толькі разам мы зможам супрацьстаяць дзяржаўнаму тэрору і захаваць для Беларусі шанец для дэмакратычнай будучыні».


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: