Рыгор Кастусёў: Партыя звяртаецца па дапамогу да грамадзян Беларусі

Партыя БНФ мае праблемы з аплатай камунальных плацяжоў за офіс. І працягвае звяртацца да ўсіх неабыякавых грамадзян з просьбай падтрымаць дзейнасць арганізацыі.


Пра гэта “Радыё Рацыя” расказаў намеснік старшыні партыі Рыгор Кастусёў:

— Праблемы ўзніклі па аплаце камунальных паслугаў і за арэнду офіса. Адбылося чарговае падвышэнне. Таму партыя звярталася па дапамогу да грамадзян Беларусі. Як і прадбачылі — гэта адбылося. Нам ужо пайшлі папярэджанні ад уладных структураў, што калі мы несвоечасова будзем праплочваць, то тады будуць прымаць жорсткія меры — ажно да адключэння камунальных паслугаў.

Пакуль жа, нягледзячы на вялікую колькасць грамадзян, якія адгукнуліся на зварот, Партыя БНФ не назбірала патрэбнай сумы на аплату за камуналку і за арэнду офіса.

У той жа час партыйцы рыхтуюцца да чарговага Сойма, на якім разгледзяць актуальныя праблемы беларускага грамадства.

Антон Разумоўскі, Беларускае Радыё Рацыя





Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: