Саша Філіпенка: Наглядчыкі жывуць з намі на адных вуліцах…

«Нелюдзі, якія здзекуюцца і катуюць, тлумачаць людзям, якія выступаюць за свабоду, што ў гэтай краіне ўсё добра і правільна...» — разважае пісьменнік Саша Філіпенка ў допісе на сваёй старонцы ў Фэйсбуку.

«Выйшаў таварыш. 15 сутак.

Пакуль у камеры ёсць злодзеі — ёсць падушкі, бялізна і гарачая вада. Калі злодзеяў пераводзяць, а ў камеру на чатыры месцы набіваюць чатырнаццаць "палітычных" — усю бялізну забіраюць, а ваду адключаюць. Дзеля справядлівасці трэба заўважыць, што адключэнне гарачай вады — планавае! Цэнтр Еўропы, 2021 год.

Спаць немагчыма — паветра няма, святло не выключаюць усю ноч. Пераклічка ў дзве і ў чатыры гадзіны ночы, пад'ём у шэсць раніцы. Людзей так шмат, што большасць спіць на падлозе. Маска для сну — незаменны аксесуар.

За два тыдні ні разу не выводзяць ні ў душ, ні на прагулку.

У "палітычных" забіраюць усё: часопісы, паперу, алоўкі. Час ад часу, каб паздзекавацца, у камеру запускаюць штатных бамжоў. Наглядчыкаў гэта весяліць.

Наглядчыкі жывуць з намі на адных вуліцах, пасля змены яны вяртаюцца дадому. Адзін сукамернік сядзіць за бел-чырвона-белыя шкарпэткі, іншы — за налепку на ноўтбуку.

Пры любой магчымасці праводзяць палітычную апрацоўку — нелюдзі, якія здзекуюцца і катуюць, тлумачаць людзям, якія выступаюць за свабоду, што ў гэтай краіне ўсё добра і правільна...»

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: