САЗ ухваліла шостую вакцыну ад COVID-19. І гэта зноў не «Спутнік V»

Sinopharm стала шостай ухваленай вакцынай ад каронавірусу, які выклікае COVID-19.
Сусветная арганізацыя здароўя ўхваліла кітайскую вакцыну Sinopharm для выкарыстання ў надзвычайных сітуацыях.

Гэта першая ўхваленая САЗ вакцына, якую распрацавалі не ў Еўропе ці ЗША. Яна адрозніваецца паводле сваёй схемы дзеяння ад раней ухваленых вакцын. Гэта інактываваная прышчэпка, яна дастаўляе ў арганізм вырашчаныя ў лабараторыі фрагменты «забітага» каронавірусу.

Паводле распрацоўніка, эфектыўнасць вакцыны – 79%. Аднак у навуковай супольнасці Еўропы і ЗША былі пытанні да празрыстасці выпрабаванняў. Гэта не зашкодзіла ўхваліць яе выкарыстанне ў 80 краінах свету, у тым ліку ва Украіне і Грузіі.

Кітай плануе прышчапіць 40 адсоткаў свайго насельніцтва да канца чэрвеня. Але цяпер у краіне нестае вакцын, піша The New York Times. Улады пастаўляюць іх іншым краінам, каб узмацніць свае сувязі ў свеце.

Раней САЗ ухваліла вакцыны: 
  • Pfizer/BioNTech,
  • Astrazeneca-SK Bio,
  • Serum Institute of India
  • Janssen
  • Moderna
Расійская вакцына «Спутнік V», якой прышчапляюць у Беларусі, пакуль не атрымала ўхвалення САЗ.


Радыё Свабода

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: